Со порастот на температурите и пристигнувањето на првите вистински сончеви денови, Струга влезе во летен ритам – а реката Дрим веќе ги прими првите капачи.
Жителите и посетителите на градот не го чекаа календарскиот почеток на летото – нестрпливо скокнаа во свежите води на Дрим, симболот на Струга и едно од нејзините најубави природни богатства.
Продолжениот викенд дополнително ја раздвижи Струга, која беше преплавена со домашни и странски туристи. Гостите уживаа во сончевото време, езерската атмосфера и уникатната можност да се капат во чистите води на реката што извира од Охридското Езеро.
Сцените покрај Дрим оживуваат: млади се капат, семејства шетаат по шеталиштата, а кафулињата покрај вода се полнат со насмевки, музика и летна енергија.
Дрим не само што носи вода, туку и спомени, традиција и магија – а Струга повторно пулсира со оној посебен дух што ја прави летна приказна која многумина секоја година ја избираат да ја повторуваат.
