Сообраќајка ноќеска се случи на булеварот „Партизански одреди“, спроти трговскиот центар Лептокарија. Очевидци посочуваат дека „БМВ“ со голема брзина удрило во паркирано возило на булеварот. Од силината на ударот, автомобилот „БМВ“ ги искршил столпчињата пред велосипедската патека и удрил во жардиниера.
Од МВР велат дека нема повредени лица и покрај силниот удар. Увид извршила екипа на полицијата.
„Е.Г.Б.(23) од Р.Турција, со престој во Скопје, управувајќи патничко возило „БМВ“ со скопски регистарски ознаки, изгубил контрола и удрил во столбови покрај патот и во паркирано патничко возило ‘фолксваген туран’, со скопски регистарски ознаки, паркирано од А.Ц.(44) од Скопје“, велат од МВР
Настанот се случи во три часот утрово.
