Стотици граѓани вечерва се собраа на шест месеци од пожарот во дискотеката „Пулс“ каде загинаа 62 лица, а над 200 повредени.
Од иницијативата „Кој е следен“ која повика на собир, порачаа дека шест месеци нема правда за Кочани, дека институциите не постапуваат.
„Треба да сносат одговорност сите оние кои биле вмешани во работењето на дискотеката „Пулс“. Ние сме тука да потсетиме дека граѓаните не го простуваат ова. Денеска овој молк ќе биде исполнет со тага и лутина, од утре веќе не молчиме. До кога ќе чекаме овој случај да има разврска? Ова е најголемата трагедија што се случила, каде многу мои врсници го изгубија својот живот“ порача Анастасија Павловска од „Кој е следен“.
Таа најави масовна мобилизација веќе од утре, но не даде детали за следните активности, но повика граѓаните масовно да се приклучат.
Инаку, на мирниот собир, на Плоштадот во Скопје вечерва граѓаните оставија пораки со сочувство и поддршка за семејствата на загинатите и повредените.
