Силвестер Сталоне (76) не е воодушевен од „Крид 3“, прв игран филм за Роки Балбоа во кој славниот актер воопшто не се појавува.
Тој го создаде ликот пред четири децении, а веќе негодуваше што нема никаква сопственост над франшизата.
Откако претходно го критикуваше продуцентот Ирвин Винклер за барањето авторски права на „Роки“ и „Крид“, во ново интервју за „Холивуд репортер“, акционата ѕвезда го коментира „Крид 3“, во режија на Мајкл Б. Џордан.
„Филмот отиде во многу поинаков правец отколку што јас би го однел. Тоа е поинаква филозофија од Ирвин Винклер и Мајкл Б. Џордан. Им посакувам добро, но јас сум многу посентиментален. Сакам кога моите херои ќе бидат тепани, но не сакам да одат на тоа темно место. На луѓето им се гади од темнина“, рече Сталоне во интервјуто.
Creed III ќе биде објавен на 3 март 2023 година и го следи синот на Аполо Крид, боксер аматер по име Адонис (Мајкл Б. Џордан). Сепак, за разлика од првите два филма на Creed, Роки не е таму за да го тренира и менторира Дони.
