Бразилската полиција денеска се судри со приврзаниците на поранешниот претседател Жаир Болсонаро во главниот град Бразилија, откако некои демонстранти упаднаа во зградата на Конгресот.
Демонстрантите се обидоа да влезат во претседателската палата, но претседателот Луис Инасио Лула да Силва не беше во палатата, пишува „Блумберг“.
🚨#BREAKING: Thousands Bolsonaro Supporters are Storming Government Buildings in Brazil
Thousands of Supporters of ex-President Jair Bolsonaro and other protesters have broken through multiple barricades and currently taking over the Supreme Federal Court. pic.twitter.com/xS7n1RInhj
— R A W S A L E R T S (@rawsalerts) January 8, 2023
Полицијата употреби солзавец во обид да ги спречи демонстрантите, јавуваат локалните медиуми.
Демонстрантите во жолти и зелени кошули нападнаа неколку полициски возила кои ја обезбедуваа зградата, јави агенцијата ЕФЕ, пренесува Дојче веле. Тие ја уништија и заштитната бариера што води до зградата на парламентот.
Thousands of anti-Lula protesters have stormed the Congress building in Brasilia. pic.twitter.com/eEjUB3dW3Q
— Visegrád 24 (@visegrad24) January 8, 2023
Според „Скај њуз“ се претпоставува дека приврзаниците ја пробиле блокадата поставена од безбедносните сили и упаднале во зградите на Владата.
Немирите дојдоа една недела откако новоизбраниот претседател Лула да Силва положи заклетва и се врати на власт по 12 години, победувајќи го Болсонаро на изборите на крајот на октомври.
