Денеска околу 20 часот избувна пожар во грчката област Акротири на Закинтос. Противпожарната служба е на терен и известува дека пожарот се’ уште не е ставен под контрола.
Пожарот избувнал во близина на станбената населба Циливи, поради што Цивилната заштита на регионот на Јонските острови побарала евакуација на таа област бидејќи куќите се загрозени, јавуваат локалните медиуми.
Воедно, Цивилна заштита ги предупредува жителите на околината да бидат подготвени за евакуацијата што следи.
Πυρκαγιά σε αγροτοδασική έκταση στην περιοχή Τσιλιβί Ζακύνθου https://t.co/13gXbbeQhh via @FightingGreece #φωτια
— Fire Fighting Greece (@FightingGreece) August 18, 2023
На фронтот за гаснење учествуваат 19 пожарникари со 8 возила, а од воздух оперираа 5 авиони и еден хеликоптер.
