Поради чадот што се шири од стотиците шумски пожари во Квебек, Канада, воздухот во Њујорк вчера беше најзагаден во светот, а денеска небото над Менхетен стана портокалово.
Чадот од шумските пожари во Канада периодично ги зафаќа североисточниот и средниот Атлантик повеќе од една недела, предизвикувајќи загриженост за лошиот квалитет на воздухот.
Индексот за квалитет на воздухот го достигна својот врв на мерната станица „IQair“ во вторникот и беше оценет како „нездрав“ за ранливите групи како што се постарите лица, малите деца и оние со респираторни проблеми.
Во вторникот, концентрацијата на PM2,5 во воздухот во Њујорк беше повеќе од 10 пати поголема од упатствата поставени од Светската здравствена организација.
