Во Башка на хрватскиот остров Крк, меѓу капачите одеднаш се појавиле необични перки, а луѓето веднаш помислиле дека се работи за ајкула.
Луѓето брзо почнале да пливаат кон плажата, а некои од капачите се заглавиле на даската за нуркање и не можеле да стигнат до брегот.
– Сите од плажа сликаа. Меѓу капачите остана околу пет минути, а потоа продолжи понатаму. Подоцна, никој повеќе не сакаше да се капе. Не е баш пријатно да се видат перки како пливаат околу луѓето – велат присутните.
Океанографот Ален Солдо објаснува дека се работи за иглу, односно сабјарка.
– На фотографиите јасно се гледа дека сепак не е ајкула. Ова е иглун, односно сабјарка која веројатно дошла вака блиску до брегот затоа што ловела некоја помала сина риба. За капачите иглуто е сосема безопасно, а не е редок вид на Јадранот – објасни океанографот Ален Солдо за хрватските медиуми.
Иглунот може да порасне до 4,5 метри и тежи околу 650 килограми. Најчесто живее на отворено море, најчесто во централниот и јужниот дел на Јадранот. Иглунот е вообичаен вид за оваа област, а понекогаш доаѓа блиску до брегот поради храна.
