Рускиот претседател Владимир Путин вчера ненадејно го посети окупираниот украински град Мариупол, само неколку дена откако Меѓународниот кривичен суд издаде налог за негово апсење.
Но во текот на посетата забележан е моментот кога една жена пред многумина извикува дека се е само инсценирана претстава на Кремљ, пренесуваат локалните медиуми.
На видеото од средбата на Путин со локалните жители, споделено од руските државни медиуми, се слуша како личност во позадина вика: „Ова е лага, ова е само шоу“.
Придружбата на Путин брзо реагирала и се обидела да ја пронајде личноста која довикувала, пишува CNN.
In one video showing Vladimir Putin’s visit to occupied Mariupol, a woman can be heard shouting “It’s all lies, it’s all just for show!” After this, Putin’s security detail can be seen desperately looking around, presumably trying to see where the shouting came from… pic.twitter.com/B3OrEINj98
— Will Vernon (@BBCWillVernon) March 20, 2023
„Толку пати те видовме на телевизија“, рекол еден од жителите, на што Путин одговорил: „Треба да почнеме подобро да се запознаваме“.
Некои од најжестоките борби во војната се водеа во Мариупол и често се користат за пропагандни цели откако Москва го освои минатата година.
Сателитските снимки од мај минатата година покажаа екстензивно расчистување на урнатините низ градот, вклучувајќи го и бомбардираниот театар во Маријупол.
Во наредните месеци, руските државни медиуми објавија снимки од обновените области, а Путин најави дека ќе го обнови целиот град.
