Две лица заробени во автомобил проголтан од голема дупка беа спасени во Лос Анџелес. Дупката е последица од зимската бура што предизвика хаос во Јужна Калифорнија.
Пожарникарите пронашле две возила едно врз друго на приближно 4,5 метри под нивото на улицата.
Спасувачкиот персонал користел јаже и скала поставена над дупката за да го спушти спасувачот до девојката и жената, кои биле прицврстени со појас и подигнати на површината.
Tens of thousands of people are under evacuation orders in California as the state is ravaged by the latest in a barrage of storms that have left at least 17 people deadhttps://t.co/CRDqhItZ41 pic.twitter.com/S8FAudnh4h
— AFP News Agency (@AFP) January 11, 2023
Тие се хоспитализирани со полесни повреди. Уште две лица излегле од дупката пред да пристигнат пожарникарите. Тие не се повредени.
Возилата останаа во дупката додека дождот продолжи да паѓа во Јужна Калифорнија. Фотографиите покажаа дека возилата потонале уште подалеку во дупката.
Патот е затворен за сообраќај.
