Врелите бакнежи ги заменуваат традиционалните цвеќиња кои се подаруваат за 8-март. Aнкета на „Макфакс“ покажува дека има мажи на кои им е поважно што работи „Водовод и канализација“ по најавите за поскапување на водата, отколку да се ангажираат околу подарок за Денот на жената.
Има и поединци кои тврдат дека подаруваат преку цела година.
„Еден врел топол бакнеж. 40 години сме заедно и многу ни e убаво. Не добивам подароци само за денешниот ден, затоа сме толку време заедно“, се пофали скопјанка, прашана што добила за Денот на жената.
Друг купувач на Цветниот пазар посочи: „Често купувам цвеќиња, па и без повод“.
На Зелен пазар, имаше мажи на кои не им беше дојдено до цвеќе.
„Не подарок, oдете ‘Водовод’ да видите што прави“, порача скопјанец.
Имаше и жени кои не добиле цвеќе: „Пораките ако се подарок, добив, да, добивам цела година“.
Некои од жените не сакаа да откријат што добиле за 8-март.
Целата анкета во видеото на „Макфакс“.
