Шефот на групата Вагнер, Евгениј Пригожин, кој загина во авионска несреќа минатата недела, беше погребан денеска на приватен погреб во Санкт Петербург, објавија неговите портпароли.
Медиумите објавуваат дека за време на погребот вооружена полиција и приватно обезбедување ги обезбедувале гробиштата на периферијата на Санкт Петербург.
На погребот присуствувале само блиски пријатели и членови на семејството. Во текот на целата церемонија имало силно обезбедување, со неколку чувари и, како што пишува „Дејли мејл“, детектори за метал.
Руската новинска агенција „MSK1.RU“ ги цитираше вработените на гробиштата дека приватноста на церемонијата била во согласност со желбите на неговото семејство.
Имаше многу шпекулации за тоа дали рускиот претседател Владимир Путин ќе присуствува на погребот на лидерот на групата Вагнер. Портпаролот на Кремљ, Дмитриј Песков, претходно одби да коментира дали Путин ќе присуствува на погребот на Пригожин, одбивајќи директно да одговори.
„Единствено што можам да кажам е дека претседателот во моментов има прилично напорен распоред“, рече Песков.
The head of PMC “Wagner” Yevgeny Prigozhin was buried in St. Petersburg.
Russian channels published a photo of Prigozhin’s grave, his father is buried nearby.
Peskov said today that Putin would not attend Prigozhin’s funeral. pic.twitter.com/CGLkIOZTjI
— Sprinter (@Sprinter99800) August 29, 2023
Кремљ подоцна објави дека Путин нема да присуствува на погребот, и покрај тоа што двајцата имаат блиски односи во пресрет на руската инвазија на Украина.
Рускиот истражен комитет во неделата потврди дека Пригожин е меѓу луѓето кои загинаа во авионската несреќа минатата среда. Комитетот во соопштението наведува дека по вештачење, сите 10 тела пронајдени на местото на настанот се идентификувани.
According to ru media, Prigozhin is being buried in a closed casket in St. Petersburg.
Putin will not be attending Prigozhin’s funeral – Peskov. He also stated that supposedly the Kremlin does not have specific information about the funeral. pic.twitter.com/pZDPTOZvCN
— Maria Drutska 🇺🇦 (@maria_drutska) August 29, 2023
