Потрагата по двете малолетни девојчиња од Струмица чиј траг се губи денеска во 16 часот, продолжува и вечерва. Граѓаните ја споделуваат објавата на родителите и јавуваат за информации со кои располагаат. Снимка од надзорна камера од објект после „Веро Џамбо“, кај „Дрво декор“, покажува дека девојчињата поминале по споредната улица.
Од снимката се гледа како двете се движат една до друга, облечени во истата облека како на фотографиите споделени од мајката на едно од девојчињата. Полицијата најави дека веднаш штом добие било какви информации ќе ја извести јавноста.
Претходно, Александра Јанкова, родител на 12-годишното девојче А.Ј. објави јавен апел за помош. Посочи дека тие се уаптиле кон центарот на Скопје. Случајот во полиција го пријавила професорката.
„Денеска (08.05.2023) околу 16 часот во СВР Скопје е пријавено дека на територија на Центар се изгубиле две малолетнички од струмичко кои биле дојдени на училишна екскурзија во Скопје.Според пријавата на нивната професорка Е.А., последен пат ги видела пред ТЦ Веро Џамбо. Се преземаат мерки за пронаоѓање на малолетничките“, соопштија од МВР за „Макфакс“.
Потрагата е во тек.
