На милионите испумпани пари од буџетот на државата за успешно да владее криминалот и корупцијата на ДУИ и СДС им нема крај! Директорот на ЈП Државни патишта од ДУИ Ејуп Рустеми склучил договор за тендер со фирма од Кичево за косење на трева, кастрење на гранки и сечење на дрвја во патен појас и тоа во вредност од над 2 милиони евра“ обвини денеска портпаролката на ВМРО-ДПМНЕ, Марија Митева.
Таа го презентираше договорот за кој рече дека основна цел е „косење на трева, плевел, грмушки, кастрење на гранки и сечење на дрва во патен појас, чистење и собирање на смет во времетраење од 2 години, за потребите на ЈП Државни патишта“.
Согласно техничката спецификација договорот е 2 милиони и 400 илјади евра.
„Додека од еден министер за образование кои исто така е од редовите на ДУИ слушаме дека власта нема пари да обезбеди учебници, друг директор исто од редовите на ДУИ има пари и троши над 2 милиони евра за косење на трева и сечење на дрва на патен појас. Како власта на ДУИ и СДС која нема никакви резултати во патната инфраструктура, ниту еден километар нов автопат, одлучува дека баш сега е најповолно време за уредување на патниот појас? На ова прашање почитувани, одговорот е веќе јасен – очигледно е дека ДУИ и СДС ќе најдат начин за криминал и во најситните и можеби не приоритетни дејности во моментот само за задоволување на своите бизнис интереси“ прашува Митева.
