По синоќешното видео на Аца Лукас, со свое видео обраќање по повод апсењето на српскиот пејач се јави и неговиот менаџер Саша Мирковиќ.
„Тој се пријави во хотелот кога пристигна во Македонија, и тоа требаше да го проверите со организаторите што го подготвуваат настапот, а не да го малтретирате Аца Лукас. Тој дојде да ги забавува Македонците, а не да игра политички игри за вас или за било кој друг. Голема брука и срамота што направивте“ рече Мирковиќ.
Тој се обрати и до македонските власти но и откри дали Лукас сепак ќе настапи на настанот во салата Јане Сандански закажан за крајот на годината.
@sasamirkovicofficial Severna Makedonija nije Severna Koreja da vlast maltretira građane drugih država zbog privatnih iskušenja na kojima se nalaze čelnici! #sasamirkovic #acalukas #ceca #hristijanmickoski #makedonija ♬ original sound – Saša Mirković
„Она што ве очекува во наредниот период, сигурен сум, е осуда од вашите граѓани поради вашата непрофесионалност. А вам, господине Мицкоски, уште еднаш ви предлагам да не бидете како Мило Ѓукановиќ и да се откачите од црната вдовица. Знаете вие на која мислам-таа што крева бугарско знаме-затоа што и тој изгуби на избори по дружбата со неа. Стравувам да не ви се случи истото. Тоа е мојата кратка порака. На сите Македонци им посакувам се најубаво во животот. До понеделник или вторник ќе донесеме одлука дали воопшто ќе настапиме во „Јане Сандански“ и дали ќе им овозможиме на Македонците, поради вас, една добра забава. Тоа сè уште е отворено прашање“, додаде тој“
