Во центарот на Љубљана, полицајци на специјалната единица онеспособиле маж кој во рацете имал два ножа. Според информации на порталот „24ур“, полицијата со електрошокер се обидела да го онеспособи младиот човек, но безуспешно.
Пријавата ја добиле околу 15 часот и по пристигнувањето ја опколиле областа.
„Бараме никој да не се доближува до местото на интервенција и строго да се следат упатствата на полициските службеници“, предупредиле во моментот на инцидентот од полициската управа Љубљана.
Мажот со ножеви ги нападнал полицајците, ги турнал и им се заканил. Човекот на крајот бил онеспособен од специјалната единица и однесен со брза помош.
Поради инцидентот, отежнат бил и патничкиот сообраќај во Љубљана, неколку лица биле принудени да останат во автобусите. Освен тоа, луѓето кои работеле во околните згради не можеле долго време да ги напуштат своите работни места.
