Мачката Хан беше извлечена од урнатините 49 дена по разорните земјотреси во Турција.
Сопственичката на мачката Нида Дина (36) секојдневно со ќерката ги посетувала урнатините на нејзината зграда, барајќи го својот сакан миленик.
„Зградата ни беше оштетена во првиот земјотрес и излегов со ќерка ми, но мачката не можевме да ја најдеме бидејќи некаде се сокри. Ја баравме секој ден и ја најдовме сега кога почна отстранувањето на урнатините на нашата единаесеткатница“, изјави Дина за турски Хабер.
Како што истакна таа е пресреќна за чудото што се случи и им порача на сите да не губат надеж.
Да потсетиме дека на 6 февруари Турција и соседна Сирија беа погодени од серија разорни земјотреси, во кои загинаа над 50.000 луѓе,пренесе Нова.рс.
