На каналот на чеченскиот лидер Рамзан Кадиров е објавено ново видео во кое неговите три малолетни сина му носат „подарок“ од бојното поле – тројца затвореници.
Како што може да се види на видеото, Кадиров со ентузијазам ги пречека своите синови.
In this video from #Grozny, #Chechnya, south #Russia, 16-yo son of Chechnya head Ramzan Kadyrov is “gifting” to his father three Ukrainian POWs captured in #Ukraine.
If this is not a theatre but real life situation, this is modern slavery. pic.twitter.com/npI8yBBEp4
— Alex Kokcharov (@AlexKokcharov) October 21, 2022
Претходно денеска Кадиров на својот канал на Телеграм изјави дека неговите малолетни синови го посетиле бојното поле во Украина. Најстариот има 16 години, а најмладиот 14.
„Ахмат, Ели и Адам се приближија до непријателските позиции и им пружија огнена поддршка на нашите борци“, објави Кадиров.
Тој, исто така, тврди дека неговите синови „контактирале со чеченските борци кои се борат на украинската страна и им рекле да дојдат на фронтот и да ја покажат својата посветеност на европските вредности во битката“.
Овие информации не се независно потврдени.
Кадиров на 3 октомври објави дека планира да ги испрати своите синови на фронтот во Украина.
„Дојде време тие да се докажат во битка“, рече тогаш Кадиров, додавајќи дека неговите деца почнале воена обука „на многу рана возраст“.
