По синоќешната сообраќајна несреќа во која учествуваа два автомобили на крстосницата на булеварите Босна и Херцеговина и Словенија со улицата Македонско-косовска ударна бригада во Скопје денеска од обвинителството информираат дека е извршен увид на лице место.
„Извршен е увид на лице место, прибрани се траги и обезбедени снимки од видео надзор. Возачите на двата автомобили се задржани на лекување, велат од обвинителството.
Додаваат дека се постапува на утврдување на причините за несреќата.
Инаку според очевидци сообраќајката се случила околу полноќ и некои од тешко повредените со Итна медицински помош веднаш биле пренесени во болница.
