Двајца млади луѓе преживеале откако нивниот автомобил излетал од автопат во Калифорнија и паднал преку карпа во кањон длабок 90 метри.
Клои Филдс и нејзиното момче Кристијан Зелада уживаа во лежерно планинско возење во близина на нивниот дом во Глендејл кога Зелада застанал за да пропушти друг автомобил. Но за неколку секунди нивниот автомобил излетал на патеката со чакал и се урнал од карпа покрај автопатот Анџелес Форест, пренесоа американските медиуми, пренесува Танјуг.
Deputies, Fire Notified of Vehicle Over the Side Via iPhone Emergency Satellite Service
This afternoon at approximately 1:55 PM, @CVLASD received a call from the Apple emergency satellite service. The informant and another victim had been involved in a single vehicle accident pic.twitter.com/tFWGMU5h3V
— Montrose Search & Rescue Team (Ca.) (@MontroseSAR) December 14, 2022
Сè што можевме да видиме беа дрвја, нечистотија и чад. Удиравме во дрвја. Потоа почувствувавме вртење и се најдовме наопаку“, изјави Филдс во интервју за магазинот „People“.
Нивниот автомобил слетал на покривот откако паднал на речиси 90 метри во кањонот Манки, но тие поминале само со гребнатини.
„Мојата прва мисла беше каде е мојот мобилен телефон“, рече Филдс. Токму нејзиниот мобилен телефон користел нова технологија за автоматско откривање на судири и испраќање SOS повик преку сателит до Центарот за итни случаи на „Apple“, кој брзо ги известил службениците за несреќата и нејзината локација.
Во рок од половина час, претставниците на округот Лос Анџелес успеаја да ги спасат Филдс и Зелада. Хеликоптер на Канцеларијата за специјални интервенции беше искористен за да се стигне до местото на несреќата длабоко во кањонот.
