Борусија Дортмунд го држи чекорот со Баерн Минхен, во борбата за шампионската титула во Бундес лигата. Во 32. коло, Борусија го победи имењакот од Менхенгладбах со 5.2.
„Милионерите“ одиграа брилијантно пред преполните трибини на Сигнал Идуна Парк (81.365 гледачи) и целата работа ја завршија во првото полувреме, поточно од петтата до 32. минута.
Мален го постигна првиот гол, потоа погоди Белнгме од пенал, а одличните 30 минути со два гола ги заврши Але.
Во продолжението, поточно во финишот „милионерите“ се опуштија и примија два гола.
Најпрвин во 75. минута кога Бенсебијани намали на 4:1, а потоа во 85. кога Ларс Штиндл дополнително го ублажи поразот на „Менш“ со одличен удар од 18 метри.
Борусија Дортмунд успеа да го постигне петтиот гол во судиското надополнување.
Се играа последните моменти од натпреварот кога Џовани Рајна погоди за конечни 5:2.
