Големиот хит на Хари Стајлс, As It Was, е прогласен за најслушана песна на музичката платформа „Спотифај“ за 2022 година.
Поранешната ѕвезда на One Direction се најде на врвот на ранг-листата на стриминг-платформата за слушатели ширум светот, со неговиот огромен хит кој достигна близу 1.6 милијарди глобални стримови.
„Спотифај“ ја претстави својата кампања Wrapped за 2022 година и ја откри сопствената статистика за најдобри изведувачи, песни, албуми и поткасти.
Покрај тоа што беше на врвот на листата со песни, Хари се најде на седмото место на листата врвни изведувачи на глобално ниво, а Бед Бани владее трета година по ред со повеќе од 18 милијарди стримови.
