Вицепремиерот за добро владеење и транспарентност Арбен Фетаи на службениот имејл добил порака со закана за животот.
Фетаи ја објави заканата на социјалните мрежи, која, како што вели, се случува по неговата изјава за отстранување на дефиницијата ’20 проценти’ за албанскиот јазик.
Вицепремиерот сподели и дека лично го информирал министерот за внатрешни работи Панче Тошовски за заканите и побарал постапување и зголемување на мерките за лична безбедност.
Фетаи подготвува и тужба бидејќи, како што рече, заканите и екстремистите мора да го добијат одговорот што го заслужуваат: затворска казна според постојните закони.
