Близнаците Визли од филмовите за момчето волшебник Хари Потер повторно се сретнаа со својот филмски татко во Сингапур.
Во вторникот британските актери Џејмс и Оливер Фелпс споделија на своите профили на „Инстаграм“ дека се во Сингапур за да снимаат епизода за своето патувачко реално шоу „Фантастични пријатели“.
На близнаците (37) им се придружи нивниот екрански „тато, мислам Марк Вилијамс“, како што напиша Оливер во својата објава.
„Се забавувавме на оваа брилијантна дестинација. Храната, културата, смеата – сето тоа е брилијантно“, додаде тој.
Низата фотографии ги прикажуваат близнаците и Марк на разни локации во Сингапур, каде што влечеа тарик… се возеа на јахта… меѓу многуте активности.
Џејмс и Оливер ги глумеа омилените црвенокоси близнаци Фред и Џорџ, постари браќа на Рон Визли, а Марк го глумеше нивниот татко Артур.
Иако близнаците се лесно препознатливи и покрај тоа што се природни бринети, Марк на 63 години изгледа многу поинаку од времето во серијалот за Хари Потер.
„Фантастични пријатели“ ги следи Џејмс и Оливер како патуваат низ светот, се среќаваат со необични луѓе, истражуваат волшебни градови и прифаќаат феноменални предизвици и незаборавни авантури по пат.
