Велибор Манев ги однел полицајците до местото каде бил закопан велешанецот Панче Жежовски, сведочи полицаец од интервентната полиција кој го спровел Манев од полициската станица Кисела Вода до местото каде било закопано телото.
После испоставата на Македонија пат, Манев им објаснувал каде е закопано телото. Патот бил каллив и непрооден.
– Кога стигнавме рече дека тука има закопано човек, на едно место покриено со гранки. Патот беше каллив, непрооден, имаше многу дупки, се движевме пешки – рече сведокот.
Потоа, Манев го презеле полицајците од СВР Велес и по 15, 20 минути го вратиле Манев во Кисела вода.
Сведочеше и уште еден полицаец кој бил во возилото со Манев, местото било покрај некое дрво.
Извор: Слободен печат
