Љубителите на класичната музика на 26 декември ќе имаат можност да уживаат во вечер исполнета со емоции, виртуозност и уметничка инспирација. Младиот и исклучително талентиран пијанист Арда Мустафаоглу ќе одржи пијано концерт во Cevahir Mall Skopje, со почеток во 18:00 часот.
Публиката ќе биде поведена на музичко патување каде секој тон носи приказна, а пијаното станува глас на емоциите. Настапот ветува длабоко доживување на класичната музика, во кое тишината, прецизноста и чувството се спојуваат во уникатна уметничка целина.
Џевахир Мол упатуваат покана до сите љубители на уметноста да си дозволат момент на мир, инспирација и музика што се чувствува со срцето. Оваа вечер, пијаното ќе зборува, а емоциите ќе одекнуваат во просторот на „Џевахир мол”, нудејќи доживување што не се пропушта.
