Ватикан соопшти дека папата Франциско, кој две недели е хоспитализиран поради пневмонија, поминал уште една мирна ноќ и сега се одмора.
Папата беше примен во болница во Рим на 14 февруари поради бронхитис, потсетува „Ројтерс“. Во вчерашниот медицински извештај Ватикан наведе дека состојбата на папата продолжува да се подобрува, но дека прогнозата сè уште е неизвесна поради сложената клиничка слика.
Папата во последните две години имаше неколку здравствени проблеми. Поради плеврит, односно воспаление на мембраната што ги опкружува белите дробови, што го развил како млад, и операции на белите дробови, тој е склон на инфекции.
Ватикан изјави дека папата во саботата имал продолжена респираторна криза слична на астма, но дека немало повторени симптоми, пренесува „Танјуг“.
