Варшава ќе потроши 30 милиони долари за изградба на засолништа од бомбардирање и други безбедносни мерки, во пресрет на третата година од војната во Украина, изјави денеска градоначалникот на Варшава, Рафал Чашковски.
Иако Полска им кажува на своите граѓани дека членството во НАТО алијансата ги обезбедува, актуелните настани во Украина поттикнаа подготовки за потенцијални напади.
Часковски изјави дека во Варшава се пронајдени околу седум милиони квадратни метри кои можат да служат како засолништа и најави дополнителни инвестиции во иднина.
Болниците ќе бидат подготвени за закани, а јавноста ќе се едуцира како да се однесува во случај на опасност.
Во 2022 година, полската влада објави дека противпожарните служби ќе ја проверат состојбата на 62.000 засолништа од бомбардирање низ целата земја.
