Со највисоки државни и воени почести на официјална церемонија претседателот Стево Пендаровски ја пречека косовската претседателка Вјоса Османи во вилата „Водно“.
„Нејзината посета е потврда на заедничките заложби за унапредување на севкупните билатерални односи и меѓусебната соработка“, рече Пендаровски.
Двајцата ќе одржат тет-а-тет средба и пленарен состанок на делегациите од двете држави.
Во рамките на посетата, во црквата „Св. Спас“ во Скопје претседателите ќе положат венци на гробот на Гоце Делчев, а ќе одржат и прес-конференција.
Според агендата, Вјоса Османи-Садриу ќе оствари средби и со претседателот на Собранието, Талат Џафери, претседателот на Владата, Димитар Ковачевски, и ќе се обрати на свечена седница во Собранието.
