Натпреварот од петтото коло од групата 3, во А дивизијата во Лигата на нации на УЕФА, во Амстердам меѓу Холандија и Унгарија, на кратко беше прекинат бидејќи му се слоши на еден член на стручниот штаб на Унгарија.
Во седмата минута од натпреварот судијата Хесус Хил Манзано го прекина натпреварот кога забележа дека на некој на клупата на Унгарија му се слоши.
Откриено е дека е Адам Шалаи, поранешен репрезентативец кој сега е член на стручниот штаб.
Лекарските екипи веднаш реагирале, го реанимирале, а подоцна бил изнесен на носилки. Натпреварот продолжи по паузата од 10 минути.
