Времето денеска ќе биде променливо облачно, претпладне со појава на магла или ниска облачност по котлините. Попладне, во западните делови ќе има повремен локален дожд. Ќе дува слаб до умерен јужен ветер. Минималната температура ќе биде во интервал од -3 до 6, а максималната ќе достигне од 13 до 17 степени.
Во Скопје променливо облачно, претпладне со појава на магла или ниска облачност. Минималната температура ќе се спушти до 3, а максималната ќе достигне до 14 степени.
Од денеска попладне времето ќе биде променливо облачно со повремени врнежи од дожд со променлив интензитет. По одделни котлини ќе има појава на магла и ниска облачност. Утринските температури од утре насекаде ќе бидат над нулата, а дневните без позначителни промени.
