Силен земјотрес со јачина од 7,3 степени според Рихтер го погоди Вануату, при што беа оштетени згради и друга инфраструктура.
Според Геолошкиот институт на Соединетите Американски Држави (USGS), земјотресот се случил во 12:47 часот по локално време на длабочина од 57 километри. Епицентарот на земјотресот бил недалеку од Порт Вила, главниот град на Вануату.
CCTV footage of 7.4 Earthquake in Port Vila, Vanuatu
December 17, 2024 #earthquake #Vanuatu #terremoto #sismo pic.twitter.com/0MJWyhepga— Disasters Daily (@DisastersAndI) December 17, 2024
Беше издадено предупредување за цунами за делови од островската држава на Тихиот Океан, но властите во 14:14 часот по локално време соопштија дека заканата поминала. Степенот на штетата останува нејасен, но има непотврдени извештаи за најмалку еден загинат. Ден Мекгари, новинар кој живее во Порт Вила, изјави дека полицијата во Централната болница му потврдила дека едно лице починало.
7.4 Earthquake damage in Vanuatu.
December 17, 2024 #earthquake #sismo #terremoto pic.twitter.com/8n6z0QEaQe— Disasters Daily (@DisastersAndI) December 17, 2024
Објавувајќи на Икс, Мекгари рече дека видел три лица „сериозно повредени“ кои чекаат третман. „Најсилниот земјотрес што сум го видел во последните 20 години“, додаде тој.
Снимките на социјалните мрежи покажуваат урнати згради, згмечени автомобили и мебел расфрлан по катовите на домовите. Жителите известуваат дека се нарушени комуникациските врски. Според фотографиите објавени на интернет, меѓу оштетените згради е и американската амбасада во Порт Вила.
7.3 earthquake has hit Vanuatu, an island east of Australia.
In this video is the American Embassy. It collapsed with people inside.
The island has suffered massive damage.
Pray for the victims and their families.
— Paul A. Szypula 🇺🇸 (@Bubblebathgirl) December 17, 2024
Американските власти објавија дека зградата претрпела „значителна штета“ и дека ќе биде затворена до понатамошно известување.
