Украинските власти моментално контролираат 32,8 проценти од регионот Донецк, изјави Вадим Филашкин, началник на регионалната воена администрација на Донецк, во интервју за Укринформ.
– Вкупната површина на регионот Донецк е 26.500 квадратни километри. По 2014 година, 8.500 квадратни километри (32 отсто) беа под привремена окупација. Од 24 јули 2025 година, вкупната површина што е окупирана е 17.804 квадратни километри (67,2 посто). Ова значи дека 32,8 проценти од регионот е контролиран од украинската влада, рече Филашкин.
Тој додаде дека од 1.298 населени места во регионот Донецк, 847 моментално се под привремена окупација – 447 од нив од 2014 година.
Според Филашкин, руските сили вршат приближно 3.000 напади дневно низ целиот регион, користејќи ги сите достапни видови оружје.
-Најопасните области се оние каде што линијата на фронтот е оддалечена помалку од десет километри. Сепак, окупаторите гранатираат и градови кои се релативно далеку од фронтот. Значи, во пракса, во моментов е опасно да се биде било каде во регионот Донецк. Во зоната на активни борби има 18 општини, каде што живеат околу 23.000 луѓе, вклучувајќи над 110 деца, рече Филашкин, повикувајќи ги жителите да се евакуираат.
