Министерството за млади и спорт на Украина на 14 април им забрани на спортистите и на националните тимови да учествуваат во натпреварувања во кои учествуваат спортисти или селекции на Русија и Белорусија. Тоа беше опасност Украина да го бојкотира квалификацискиот циклус за ЕВРО 2024 година, а во групата со Украина е и Македонија.
Сепак, Матвеј Бедниј, заменик-министерот за млади и спорт на Украина, изјави дека земјата не го разгледува прашањето за забрана за учество на фудбалската репрезентација во квалификациите за Европското првенство 2024 година.
„Досега не сме разговарале за учеството на Белорусија во квалификациите и за наше бојкотирање на квалификациите за Европското првенство во 2024 година, изјави Бедниј.
Фудбалската репрезентација на Украина на 16 јуни ќе гостува во Скопје на дуел против Македонија.
