Љубителите на чоколадо може да ги очекуваат лоши вести пред Велигден, бидејќи постои закана од недостиг на популарните чоколадни плочки КитКат. Причината е необичен грабеж во кој е украдена пратка тешка 12 тони, што го потврди и Нестле.
Минатата недела, повеќе од 400.000 KitKat Crunch плочки исчезнаа откако крадци го украдоа камионот што ги транспортираше. Возилото било на пат помеѓу производствените и дистрибутивните центри во Европа кога исчезнало.
„Нестле“ објасни дека камион со точно 413.793 чоколадни плочки бил натоварен во фабрика во централна Италија, а пратката требало да пристигне во Полска. Некаде по патот, камионот исчезнал, а компанијата соопшти дека возилото и неговиот товар сè уште не се пронајдени. Точната локација на кражбата сè уште не е позната.
Нестле ја потврди кражбата
Швајцарскиот прехранбен гигант ја потврди кражбата на пратката во соопштение за АФП објавено во саботата.
„Секогаш сме ги охрабрувале луѓето да направат пауза со КитКат “, рече портпаролот на компанијата, додавајќи: „Но, се чини дека крадците ја сфатиле таа порака малку премногу буквално и направиле пауза со повеќе од 12 тони од нашето чоколадо“.
Тој нагласи дека истрагата е во тек и дека „Нестле“ соработува со локалните власти и партнерите во синџирот на снабдување.
