Триесет и двегодишен Иранец е уапсен во Германија поради наводно планирање на терористички напад мотивиран од исламисти, пишува „Би-Би-Си“.
Иранецот планирал да употреби цијанид и рицин за да изврши сериозен чин на насилство, соопшти германската полиција, додека го претресувала неговиот стан во регионот Рур и ги пронашла смртоносните супстанции.
Покрај него, уапсено е уште едно лице, двајцата остануваат во притвор.
Германската агенција ДПА објави дека на местото на настанот дошле бројни вработени во различни служби во заштитни одела.
Истрагата е во тек, а се уште не е јасно до каде напредувале плановите за напад.
Германија во последните години беше цел на бројни напади на исламистите, пишува Би-Би-Си и потсетува дека во 2016 година во напад со камион на божиќниот пазар во Берлин загинаа 12 лица, а десетици беа повредени.
