Српскиот претседател Александар Вучиќ се сретна со специјалниот претставник на Европската унија за дијалог меѓу Белград и Приштина и други регионални прашања на Западен Балкан, Мирослав Лајчак и заменик-помошникот државен секретар на САД, Габриел Ескобар.
На трилатералната средба и претходеше средба меѓу претседателот Вучиќ и Мирослав Лајчак во зградата на Генералниот секретаријат на претседателот на Републиката. Првиот вицепремиер и министер за надворешни работи Ивица Дачиќ ќе се сретне со Габриел Ескобар.
Ескобар и Лајчак во Белград доаѓаат од Приштина, каде што разговарале со косовските власти.
Специјалниот пратеник на ЕУ за дијалог меѓу Белград и Приштина, Мирослав Лајчак, по средбата во Приштина изјави дека најдобриот начин за отстранување на барикадите на северот на Косово и Метохија е преку политички договори, а не со булдожери.
Американскиот пратеник за Западен Балкан Габриел Ескобар изјави дека јасно му изразил очекување на Курти дека ќе работи на имплементација на договорот за формирање Заедница на српски општини.
Посетите се поради зголемените тензии на Косово и Метохија по апсењето на поранешниот полицаец Дејан Пантиќ, поради што Србите на северот на Косово и Метохија подигнаа барикади во знак на протест.
