Британската фармацевтска лабораторија GSK ќе инвестира 30 милијарди долари во текот на пет години во САД, беше објавено денес, на првиот ден од државната посета на американскиот претседател Доналд Трамп на Велика Британија.
Парите ќе бидат инвестирани во истражување и развој, како и во производствени капацитети, објави фармацевтската групација.
Соопштението е издадено во време кога фармацевтските компании се соочуваат со притисок од американскиот претседател, кој ги замолува да инвестираат и да произведуваат во неговата земја.
GSK е меѓу 17-те фирми од кои Трамп побара да се обврзат цврсто да ги намалат цените на своите производи во САД до 29 септември, под закана од одмазднички мерки.
Посетата на Трамп на Велика Британија денес и утре веќе доведе до неколку најави за партнерства и инвестиции од компании од двете земји.
Вчера, Лондон регистрираше инвестиција од 30 милијарди долари од Мајкрософт и уште една од 5 милијарди долари од Гугл.
Во рамките на 30-те милијарди долари што ги вети британската компанија GSK, 1,2 милијарди ќе бидат инвестирани во инсталации за модерно производство, како и во вештачка интелигенција и дигитални технологии, се вели во соопштението.
