Утрински Весник
Свет

Трамп планира уште првите денови во Белата куќа да потпише стотина извршни наредби

20250111120905 Big 730x400 1.webp.webp

Американскиот претседател Доналд Трамп планира да потпише повеќе од сто извршни наредби во првите денови од неговиот нов мандат за да ги спроведе ветените политики во кампањата поврзани со безбедноста на границите, депортациите и другите приоритети, јавија американските медиуми.

Трамп ова им го кажа на републиканските сенатори за време на приватна средба во Конгресот.


Се очекува голем дел од указите да бидат потпишани на денот на неговата инаугурација на 20 јануари. Главниот советник на Трамп, Стивен Милер, им ги претстави на сенаторите мерките што прво ќе се преземат.

Соработниците на новоизбраниот претседател подготвуваат серија извршни наредби што Трамп би можел наскоро да ги потпише а се однесуваат на широк спектар на теми: од заострување на контролите на границата меѓу САД и Мексико, до енергетските и федералните закони за работни односи, до образовните политики, политиките поврзани со родовата припадност и вакцините.

Американските медиуми забележуваат дека тоа се ветувања дадени за време на неговата изборна кампања.

Сенаторите информирани од Трамп и неговиот тим очекуваат новата администрација да повлече многу од извршните наредби на администрацијата на Бајден.

Можете да прочитате

Шангајската организација за соработка ги собира најважните евроазиски лидери, здружувајќи ги силите против Западот

Портпаролот на вооруженото крило на Хамас, Абу Обеида убиен во израелски напад

Трамп: Малку е веројатна средба меѓу Путин и Зеленски, но троен самит е извесен