Американскиот претседател Доналд Трамп вчера соопшти дека има намера да го повлече даночното ослободување на Универзитетот Харвард.
„Ќе му го одземеме статусот на Харвард за даночно ослободување. Тоа го заслужуваат!“, наведе Трамп во соопштение на Truth Social, без да прецизира кога ќе ги спроведе тие чекори.
Откако ја презеде должноста во јануари, Трамп го стопираше федералното финансирање за големите американски универзитети и иницираше истраги за учесниците во пропалестинските протести минатата година на универзитетите, изјавувајќи дека високото образование е обземено од антисемитизам, „антиамериканска, марксистичка и радикална левичарска идеологија“, пренесуваат британските медиуми.
Харвард ја тужеше администрацијата поради прекин на две милијарди долари во дотации за финансирање на американските истражувања и се приклучи на протестот на повеќе од 200 универзитети и колеџи поради политиките на Трамп во врска со високото образование.
