Рускиот претседател Владимир Путин и американскиот претседател Доналд Трамп денеска во Аљаска одржаа заедничка прес-конференција по повеќечасовни разговори за ситуацијата во Украина.
„Ова е почетна точка од разговорите,“ изјави Путин, додавајќи дека гледа напори од страна на Трамп да се најде решение за украинската криза.
Трамп истакна дека средбата била исклучително тешка, но и конструктивна:
„Многу тешки разговори имавме, останаа мали недоразбирања за кои мислам дека ќе се решат. Блиску сме до договор,“ рече американскиот претседател.
Сепак, тој нагласи дека засега „нема договор“ и дека ќе направи неколку телефонски разговори со НАТО и со украинскиот претседател Володимир Зеленски, на кого ќе му ги пренесе разговорите со Путин.
„Најбитната работа е што имавме добар состанок. Знаеме дека повторно ќе се видиме во Москва,“ додаде Трамп.
Оваа средба е означена како историска и се гледа како можен нов почеток на преговорите околу прекинот на огнот и мировниот процес во Украина.
