Американскиот претседател Доналд Трамп им нареди на американските воени команданти да изготват план за инвазија на Гренланд, но високи воени претставници се спротивставуваат на тоа, објави „Мејл он Сандеј“, повикувајќи се на извори.
Изворите велат дека политичките „јастреби“ околу американскиот претседател, предводени од политичкиот советник Стивен Милер, се толку охрабрени од успехот на операцијата за апсење на венецуелскиот претседател Николас Мадуро што сакаат брзо да дејствуваат за да го заземат Гренланд пред Русија или Кина да преземат чекори во врска со арктичкиот остров.
Според изворите, Трамп побарал од Заедничката команда за специјални операции (JSOC) да подготви план за инвазија на Гренланд, но командантите се спротивставуваат на тоа, тврдејќи дека тоа би било нелегално и дека Конгресот нема да поддржи таков план.
Британските дипломати веруваат дека Трамп е мотивиран и од желбата да го одвлече вниманието на американските гласачи од перформансите на американската економија пред среднорочните избори подоцна оваа година, по што би можел да ја изгуби контролата врз Конгресот од демократите.
Но, таков драматичен потег би го довел Трамп во конфликт со британскиот премиер Кир Стармер и ефикасно би довел до колапс на НАТО, објавува „Мејл“.
