Досиејата означени како доверливи и пронајдени во куќата на Доналд Трамп на Флорида не содржеле никакви документи, изјави денеска поранешниот американски претседател.
Трамп го изјави ова по извештаите дека неговиот тим добил покана за еден таков документ, објави Ројтерс.
Адвокатскиот тим на Трамп во декември и јануари им предал на обвинителите празна папка означена како доверлив, како и друг доверлив материјал, објави Си-Ен-Ен.
Исто така, обвинителите формално ја побарале празната папка во јануари, откако ја виделе иследниците ангажирани од Трамп да го пребараат неговиот имот на Флорида за преостанати документи во Белата куќа што не биле предадени кога тој ја напуштил функцијата во 2021 година и не се откриени по потрагата на ФБИ минатата година.
Еден доверлив документ исто така беше предаден минатиот месец, објави Еј-Би-Си њуз.
Трамп рече дека чувал доверливи папки во неговото одморалиште, но тие биле празни. Неговиот адвокат, Тимоти Парлаторе, укажа на недостиг на процедура во Белата куќа во текот на викендот и рече дека правниот тим на Трамп веднаш ги предал сите пронајдени дополнителни материјали.
„Поранешниот претседател ја користи сега вратената празна папка за да го блокира синото светло од фиксниот телефон во неговата спална соба“, додаде Парлаторе.
Пријавената покана и новообјавениот материјал доаѓа во време на проверка на ракувањето со претседателските и потпретседателските материјали, особено доверливите записи, што го направи Трамп предмет на федерална кривична истрага.
Поранешниот потпретседател Мајк Пенс и претседателот Џо Бајден, исто така, пријавија дека нашле доверливи документи кај нив, но доброволно му дозволија на ФБИ да го пребара преостанатиот материјал што требаше да биде доставен до Националниот архив.
Документите на Бајден датираат од времето кога тој беше потпретседател на поранешниот претседател Барак Обама.
