Министерот за внатрешни работи Панче Тошковски, денеска во Собранието на седница за пратенички прашања зборуваше за бегството на Артан Груби од земјава.
Тој рече дека засега е поднесена кривична пријава само против едно лице од ГП Долно Блаце, и дека случајот ќе се истражува, односно дали лицето намерно или случајно сторил грешка во пропуштањето на Груби, иако бил на СТОП листата.
Тошковски ги отфрли обвинувањата дека ВМРО-ДПМНЕ има договор за пуштањето на поранешниот вицепремиер.
„Од аспект на обвинувањата дека предметното лице е пуштено во договор со ВМРО-ДПМНЕ, прво така што ми текнува на една изјава на истото лице кое пред неколку години велеше: „Е од денеска сме едно со СДСМ, не велеше дека е едно со ВМРО-ДПМНЕ“. Говереше дека е чист како солза и дека ќе се врати. Јас го повикувам да покаже малку чесност и одговороност кон државата која го ранела 40 години и да се врати“, рече Тошковски.
