Торнада и град со големина на бејзбол го погодија Илиноис. Милиони луѓе во Соединетите држави и понатаму се под временски предупредувања.
Синоптичарите изразија загриженост дека торнадото може да погоди делови од Арканзас, Оклахома и јужниот дел на Мисури и може потенцијално да предизвика поголема штета во областите веќе погодени од смртоносните торнада и бури минатата недела каде 32 лица загинаа.
Речиси 70 милиони Американци се подготвуваат за нов наплив од силни бури. Денешните бури уследија по неколкудневните силни торнада кои зафатија 11 држави на југот. Лошото време се очекува да продолжи и во текот на ноќта.
„Ова можеби е ноќ што само ќе ја поминеме во подрумите за да бидеме безбедни“, го цитираше метеорологот Том Филип, CBS News.
