Компанијата „Тор нидустриес“, чиј директор е Дрин Ахмети, побара извинување од ВМРО-ДПМНЕ и од пратеникот Драган Ковачки.
Ахмети тврди дека се невистинити тврдењата оти со неговата фирма со која ја купи „Соравија“ работи на Коридорот 8.
Вели дека се работи за комплетна невистина.
„Ваквите лажни тврдења прават штета на компанијата ‘Тор нидустриес’, како и на личниот углед на сопственикот Дрин Ахмети. Исто така, ‘Тор индустриес’ бара јавно извинување од страна на ВМРО-ДПМНЕ и господинот Ковачки, во спротивно ќе ги преземе сите правни дејства за претрпената штета од невистините изнесени од страна на господинот Ковачки“, порача Ахмети.
