Вујкото на легендарниот шпански тенисер Рафаел Надал го коментираше финалето на Вимблдон во кое Карлос Алкараз го совлада Новак Ѓоковиќ по пет сета.
Тони Надал, оцени дека во моментов, со исклучон на Ѓоковиќ, нема тенисер кој може да му парира на младиот Шпанец.
„Искрено, не гледам во тенискиот свет во моментов, со исклучок на Ѓоковиќ, играч способен да го запре подемот на Карлос. Ѓоковиќ нема многу години кариера пред него, па мислам дека шпанските навивачи ќе имаат можност да уживаат во уште многу натпревари, уште многу победи во неделните попладневни часови“, истакна Тони Надал.
