Книгата на Том Бауер, „Одмазда: Меган, Хари и војната меѓу Виндзори“, го прикажува животот под кралските рефлектори.
Принцот Хари и Меган, кои излегоа во јавноста со својата романса една година пред да се свршат во 2017 година, доживеаја многу подеми и падови пред нивното заминување од Британија.
Според Бауер, двајцата станале зависни од читање за себе во печатот и стравувале дека тајните им излегуваат на виделина преку нивните славни пријатели.
„Хари и Меган беа оковани“, тврди Бауер. „Секоја вечер пребаруваа по интернет за да ги прочитаат новинските извештаи и објавите на троловите на социјалните мрежи. Убедени дека, како поборници на добрината, ги прогонуваат лажноста и расизмот, тие се чувствуваа жртви на најблагата критика“.
Во книгата Бауер открива дека принцот Хари и Меган ги обвиниле Дејвид и Викторија Бекам за ширење приказни во медиумите.
„Меган Маркл и принцот Хари беа добри пријатели со Дејвид и Викторија Бекам, но одеднаш работите тргнаа наопаку. Нестабилната психичка состојба на Хари ги поттикна стравувањата на Меган дека Бекамови шират шпекулации во печатените медиуми.
Авторот ја цитира Меган, која во една пригода рекла: Не им верувам.
Конкретно, сомнежот беше вперен кон Викторија за недискреција. Хари му телефонира на Дејвид за да се соочи со нив и ваквиот потег сериозно го наруши нивното пријателство.
Пред сè да тргне на лошо, Хари и Меган уживаа во блиските односи со Бекамови како лични пријатели.
