Повредата на Нејмар ги загрижи навивачите на Бразил, а селекторот на оваа селекција Тите беше оптимист на прес-конференцијата по триумфот над Србија.
Нејмар беше расположен за игра против Србија, но често беше цел на грубите стартови на „орлите“. Поради еден таков Гудељ во 49. минута доби жолт картон, а селекторот Тите ја повлече од игра првата ѕвезда на својот тим во 79. минута, кога „кариоките“ веќе имаше позитива од два гола.
Селекторот на Бразил, Тите, ја „смири нацијата“.
„Можете да бидете сигурни дека Нејмар ќе игра во остатокот од Светското првенство“, изјави Тите.
На Нејмар му беше укажана помош на клупата, а зборуваше и докторот на тимот:
„Тоа е истегнување на десниот зглоб, директна траума. Се појави оток. Веќе почнавме со лекување. Мора да чекаме 24, можеби 48 часа. Се уште нема закажан термин за снимање. Ќе ја следиме состојбата на Нејмар“, изјави докторот Родриго Ласмар.
