Инспекцискиот тим на Меѓународната агенција за атомска енергија (МААЕ) пристигна во градот кај Запорожје на југот на Украина, со цел да изврши увид во нуклеарната централа која беше цел на гранатирање во последните денови.
Агенцијата Ројтерс наведува дека инспекторите најверојатно ќе преноќат таму пред утре да ја посетат нуклеарната централа на територијата под контрола на Русија.
Официјални лица стационирани од Русија во областа во близина на централата посочија дека посетата може да трае само еден ден, додека претставниците на МААЕ и Украина најавија дека ќе трае подолго.
Шефот на МААЕ, Рафаел Гроси, изјави дека мисијата ќе помине неколку дена во близина на нуклеарната централа Запорожје во Украина.
„Конечно, ситуацијата се менува по шест месеци напор. Имаме многу важна задача овде да ја процениме реалната ситуација и да помогнеме да се стабилизира ситуацијата што е можно повеќе“ – рече Гроси.
